Ang layunin ng paggamot ay maalis ang lahat ng
bakas ng sakit at maibalik ang malusog na
pangangatawan, ito ang tinatawag na complete
remission. Para sa acute na lukemya, ang complete
remission na tumatagal ng limang taon pagkatapos
magpagamot ay madalas nagpapahiwatig ng lunas.
Masasabi ng mga sentro na gumagamot sa lukemya na
tumaas ang bilang ng mga tao na gumaling ng tuluyan
makalipas ang limang taon.
Para gamutin ang lukemya kinakailanganang sumailalim
ng chemotherapy at radiation.
Ang chemotherapy ay gamot na itinuturok para patayin
ang selula sa dugo. Ngunit ito ay walang pinipili at
inaatake rin ang mga normal na selula (tingan
“epekto ng chemotherapy “ sa ibaba).
Ito ang dahilan kung bakit ang pasyente ay malimit
nangangailangan ng dugo para alalayan ang
pagpapagamot.
Maaring gumamit rin ng antibyotiko para labanan ang
mga impeksyon o kaya para iwasan ito.
Ang radiation naman ay gumagamit ng ionizing
radiation at inaatake rin ang mga selula na masasama.
Kalimitan ang bone marrow transplant ang
kinakailangan para gumaling sa lukemya. Kailangan
muna ang pasyente ay makatanggap ng ma-agresibong
chemotherapy at radiation para puksain ang natural
na paggawa ng dugo sa katawan, alisin ang may sakit,
at susundan ito ng paglagay ng stem cell para
maibalik ang normal na paggana ng bone marrow. Ito
ay maaring magtagal ng ilang buwan kung kalian ang
pasyente ay nakahiwalay sa lahat at nagiisa lang
para maiwasan ang mga nakamamatay na impeksyon.
Kapag ang stem cell na ginamit ay nanggaling sa
mismong pasyente, ang tawag sa paglipat ay
autologous. Kapag naman ang stem cell ay galing sa
isang donor, ang tawag sa paglipat ay allogeneic.
Salamat sa patuloy na pananaliksik mas lalo nagiging
mabisa ang mga gamot at minsan ay nauuwi ito sa
pag-galing na hindi na kinakailangan ang
transplantasyon ng bone marrow.
Epekto ng chemotherapy
Hindi lang ang mga masasamang selula ang
natatamaan ng chemotherapy kung di pati na rin ang
mga ayos at lalo na ang mga selula na mabilis na
dumadami. Maraming masamang epekto ang chemotherapy
tulad nang pagbaba ng depensa ng katawan, anemya,
pagbaba ng bilang ng platelet, ang buhok ay
nanglalagas, pagduduwal, diarrhea, almuranas,
mucositis at samantalang pagkabaog. Ang epekto ay
depende sa ginagamit na gamot, sa dosis at sa
kondisyon ng pasyente. Ang ibang gamot ay mayroong
tiyak na epekto sa atay, puso o baga kaya napaka
importante na subaybayan ang mga ito pamula sa una
hanggang sa pagkatapos ng pagpapagamot. Ganun pa
man, ang mga epekto na ito ay pansamantala lamang,
pagkatapos ng chemotherapy meron na uli mga
panibagong selula. Meron ring ibang pagkain at
inumin na nakakatulong para iwasan ang masamang
epekto (tulad ng pagduduwal) ng gamot.
Ano ang mga dapat gawin habang nagchechemotherapy
A. Diyeta: ang balanseng pagkain ay
pinakamahalaga para sa sapat na kalori at para
maiwasan ang pagbaba ng timbang. Kung nasusuka naman
kailangan konsultahin ang doktor. Kung nawawalan ng
ganang kumain, makakatulong ang madalas ngunit unti
unting pagkain sa maghapon. Kumain ng marami kapag
malakas, katulad sa almusal. Kumain ng madalas,
halimbawa bago magutom, ito ay nakakatulong para
huwag lumala ang pagkahilo. Uminom ng tubig o kaya
ng juice, importante ito dahil nakakatulong
palabasin sa katawan ang lason na galing sa gamot ng
chemotherapy. Itanong sa doktor kung pwede uminom ng
beer o ng wine.
B. Pangangalaga sa katawan: para maiwasan ang
impeksyon, nakakatulong ang paghuhugas ng madalas ng
kamay. Ang hustong paglilinis naman ng bibig ay
nakakatulong umiwas sa mucositis.
C. Aspetong sikolohikal: kung napansin na may
pagbabago sa katawan o pagbabago ng kalooban huwag
itong ipangamba. Kausapin ang doktor tungkol dito.
D. Pakikipagtalik: Posibleng makipagtalik habang
nagche-chemotherapy hangga’t ito ay protektado, para
maiwasan ang impeksyon at para na rin maiwasan ang
anumang pinsala sa magiging anak.
E. Pag-inum ng ibang gamot: ugaliing itanong muna sa
doktor para makatiyak na tama ito at para na rin
maiwasan ang pagtatalo ng mga gamot.
F. Trabaho: Pwedeng ipagpatuloy ang mga gawain o
pagaaral hanggat kaya ng katawan pero tandaan na ang
prayoridad ay labanan ang lukemya at kailangan
dagdagan ang pahinga para dito..
www.beat-leukemia.org
Fondazione Beat Leukemia Dr Alessandro Cevenini - CF 94618790151 | Legal Notices | Realizzazione sito web: Progetto Web